Вие се наоѓате: Botox

Botox

Напредна нехируршка метода за ублажување на брчките и Face-lifting, подмладување, превенција на прекршување на кожата ( терапија против стареење), дава чувство на поблаги црти на лицето и помлад изглед. Во моментот е најбаран естетски третман во светот.

Ботоксот првин се користел во медицината за терапија на спастична парализа, во неврологија, во ортопедија кај спазам на мускули на вратот, во офталмологија при страбизам, блефароспазам и др. болести, во урологија, гастроентерелогија, гинекологија. Во естетски цели прв пат е употребен во 1992 год. После исцрпни  испитувања и усовршување на техниките на инјектирање  денес претставува најбаран третман во естетската медицина во целиот свет.

Како функционира ботоксот?

Ботоксот е стерилен, лабораториски пурифициран протеин, продуциран од бактеријата Clostridia botulinum, кој ја ослабува активноста на мимичните мускули и ги ублажува мимичните брчки.

Изведување на постапката

Апликацијата на Ботоксот е безболна и трае околу 5-10 минути, после која пациентот продолжува со секојдневните активности. Дејството започнува да се развива по 4 дена а ефектот се стабилизирува по 15 – 20 дена, кога се закажува контрола. Ефектот трае 4-6 месеци а потоа се повторува постапката. Резултатите се индивидуални. Ако се прекине аплицирањето на Ботокс постепено брчките се враќаат во првобитната состојба.

Ботокс не се применува кај бремени жени, доилки и луѓе заболени од Myastenia Gravis, Eaton-Lambert sindrom, при моментално постоење на вирусна или бактериска инфекција, при аминогликозидна терапија.

Третман со Ботокс треба да се изведува исклучиво од лекар специјалист, со одлично познавање на анатомија и физиологија на мускули (елеватори и депресори) и обучен за оваа процедура во стручни установи. Посебно третманите на средна и долна третина на лицето се изведуваат од стручњак со големо искуство.

Botox-от во Anti-Aging терапија



Миорелаксација со Botox

Врати се на врвот